兼職勞保- Part time / 暑期工 就唔駛買勞工保險? 兼職勞保- 今時今日香港地做生意真係唔容易, 競爭大, 營運成本又高, 除咗租金貴之外, 人力成本都真係一個好大的影響因素! 洗碗亞姐你出萬幾蚊人工都唔係咁容易請到, 所以好多中小企業甚至係初創, 好多時為咗節省成本同增加靈活性, 都會請下兼職part time 同暑期工去幫佢地應付下部份工作. 咁問題就嚟喇, 好多時公司老闆或HR, 其實都唔係好肯定甚至冇諗過, 究竟需唔需要幫兼職part time 同暑期工買勞工保險呢? 勞保王嘅答案: 就緊係要買喇! 根據《僱員補償條例》規定，所有僱主都必須為僱員購買工傷補償保險(即係勞工保險/俗稱勞保)， 去履行僱主係條例同普通法方面嘅法律責任；否則就唔可以僱用僱員從事任何工作，無論其僱用期或工作時數長短、全職或兼職、長工定係臨時工；僱主亦唔可以係僱員的收入裏面扣除所需費用。 兼職勞保– 幫Part time / 暑期工 買勞保好麻煩? 好貴? 可能唔講你唔知, 好似一般只係請1至2個月的陪月姐姐, part time 快閃喺某個街頭做問卷的後生仔, 樓下茶餐廳暑期每日做幾個鐘的學生哥, 其實背後老闆都應該已經幫佢地買咗足夠的勞工保險. 咁下一個問題你可能會接著問, 要幫呢類人買兼職勞保, 會唔會好煩同好貴架? 放心, 其實最簡單既做法,就係搵返而家幫你處理開勞保的保險公司, 通知返佢你具體呢類員工的資料, 佢地就可以將員工加入返去現有勞保計劃的保障範圍之內. 咁如果咁啱你又因為各種原因都仲係唔係好識點攪, 當然10萬個歡迎搵我地勞保王去查詢點樣處理兼職勞保喇! 順帶一提, 其實唔單止勞保, 兼職員工其實老闆都要幫佢地供MPF強積金(有需要的話勞保王團隊都一可以提供埋一條龍開戶+供款跟進服務), 尤其係2022年, 香港政府同香港保險業聯會實施咗勞工保險新安排, 所有勞保保單都要申報好實際受保人數+總人工, 保險公司要收齊埋對應好的證明文件(即係過往的強積金供款紀錄), 咁先可以為新買或者續保保單正式出單. […]
