無買勞保, 或者買唔足勞工保險,隨意買咗就得? 無買勞保, 忘記買勞保, 勞工保險隨意買就得? 呢個都應該係其中一個廣為相傳的行業傳說, 特別係做三行 / 裝修工程 / 維修工程的師傅們. 因為按職業風險去計算保費率的勞保保費, 而佢地的保費比起其他工種相對地高. 有幾高? 可以係比較一般文職高10倍甚至乎幾十倍以上… 江湖傳聞佢地好多時就算係10-20 人公司, 都只會係咁依按幾個人頭買公司勞保就算. 明白的, 對佢地嚟講, 都只係為咗交功課應付勞工法例, 同埋萬一真係要賠工傷時, 都可以用來報上去勞工處, 有勞工保險保單號碼可以填上去表格二. 如果咁樣做, 每年勞保保費成本咪可以省好多? 如果照基本數字可以咁講, 因為過去好多年, 如公司員工人數只有一位就要實名登記, 兩位員工或以上就不需要實名制. 但當然保險公司都也不是省油的燈, 到出現要理賠的時候, 除咗好多時會搵公證行做基本調查同跟進, 往往都要受保公司出示返出公司出糧紀錄去證明返當初有冇買足勞保( 2001年後MPF強積金就係最方便準確的證明). 但自從今年2019年開始, 剛才提到的後置式人數/工資核對, 已經按 香港保險業聯會最新的 「統一僱員補償保險作業模式 － 申報僱員薪酬」指引, 變為前置式核對. 即係點? 即係一反過去保險公司單單按受保公司嘅簡單總人工申報去處理新勞保投保/續保, 而家係雙方都要多花時間去先核實相關期間的強積金供款紀錄係咪同所申報的人工相符, 先可以完成 投保/續保流程. 簡單來講, 相信從2019年起, 再唔會有如今個標題咁講 “無買勞工保險/勞保其實唔駛買足, 隨意買咗就得? ” 無買勞保-勞保駛唔駛落名? 剛才提過, […]
