Tag Archives: 即係唔駛買?勞工保險報價2019 勞保十二傳說之七 EC Insurance quote

買唔到勞保, 即係唔駛買?勞保十二傳說之七

買唔到勞保?勞工保險報價2019 EC Insurance quote

相信係香港買唔到勞保既現有中小企業家或者新創業的老闆們,大部份都係良心僱主, 好多時並非故意唔買勞保, 而係真係想買但又買唔到, 按小編的經驗通常都係以下幾種情況:   1) 特別工種, 保費太貴. 一般係寫字樓工作的普通文職工種, 買勞保當然容易, 但係香港有不少工種的老闆們, 要為員工們買勞保真係殊不簡單, 保費往往係一般文職既幾倍或以上, 例如: 運輸業, 外賣服務公司, 外判清潔公司, 工程公司(包括地盤及裝修公司), 餐飲業(特別係有明火煮食的中餐館及茶餐廳)…不能盡錄! 大家都明白保險公司的精算師都係按不同行業既風險+過往的賠償經驗去釐定勞保的保費率, 唔想做蝕本生意, 但要俾保費的僱主們又何嘗不是? 小編之前亦見過一D小型室內裝修工程, 工程單都只不過係幾萬蚊, 但收到勞保報價竟然要去到近萬, 即係佔工程單收費約20-30%, 老闆們扣埋人工及其他成本, 分分鐘可能冇錢賺甚至乎要蝕錢做… 2) 現有保險公司不肯續保. 就算唔係新創業而又一直有買開勞保好多年的公司, 亦有可能因為過去一年工傷賠完錢後, 現有保險公司計過數, 要填彌補返個已賠償損失所以續保保費大幅加保費, 或直接不肯再接受續保去止蝕. 小編曾經收過一個求助, 係一住宅屋苑既外判清潔公司, 本來一年勞保保費係約15萬, 已經係一個頗大的營運成本, 後來其中一位員工係工作時滑倒引致腰部受傷, 放左半年工傷病假及另外向僱主申請喪失工作能力既索償, 結果原有保險公司到新一年勞保保單到期時拒絕續保, 而另一間保險公司報價竟然大幅增加至55萬新保費… 3)冇勞保保險公司肯接受投保的行業. 比起剛才提到的兩種情況更差, 香港巿面上其實仲有小部份行業係直情係好多保險公司連出勞保報價的興趣都冇, 例如: 環保回收場, 外判電單車服務司機等. 咁點算? 因為係香港冇勞保保障下係唔可以僱用員工去營運, 所以其實香港自2007年成立左一間僱員補償聯保計劃管理局有限公司(管理局), 專門為高風險行業購買合適勞保而設. 只要某一間香港公司被三間保險公司拒絕作出勞保報價, 僱主就可以向管理局求助, 等佢地將公司個案排入管理局內的保險公司進行配對, […]

WhatsApp chat