Author Archives: 勞保王 EC King

勞保淨係保香港工作, 出差就唔包?勞保十二傳說之六

勞保包唔包出差-勞工保險報價2019 EC Insurance

對於需要經常出差的打工仔, 呢個基本僱員保障問題應該都有係大家心裏面出現過, 但礙於不好意思直接問公司HR或老闆, 所以其實一直都唔係好清楚, 咁今次就係個好機會重新審視返個實際勞工保險保障範圍喇! 根據勞工法例, 《僱員補償條例》裏面清楚寫明, 只要:1) 僱員因工及在僱用期間遭遇意外而致受傷,或2 )患上《僱員補償條例》所指定的職業病,僱主有責任支付補償; 咁好明顯當你係因為工作需要而喺外地出差時, 整個時段其實都算係工作時間, 所以呢段出差期間萬一真係出現左意外而令你受傷的話, 當然係屬於勞保保障範圍之內. 小編數年前就有其中一位客戶Johnny, 經常需要出差到不同東南亞城巿, 去巡視同公司有合作關係的工廠生產線. 有一次剛到達尼泊爾的第二日, 到達當地供應商的辦公室時, 因梯級濕滑而左腳失重心跌倒, 導致左腳骨折, 需要緊急飛回香港治理.由於Johnny 骨折較為嚴重, 前後係九龍法國醫院做咗2次骨科手術+超過半年的物理治療+中醫針炙, 總共醫藥洗費接近70萬港幣.既然剛才提到勞保範圍係能夠保障到出差中的時間, 咁大家可能會諗70萬都應該可以由勞保全額賠償晒喇, 事實係…非也!?留意返勞工法例內對勞工保險既指引: 醫療費 僱主須支付的醫療費的最高金額如下: 對僱員每天身為醫院住院病人進行醫治的費用:港幣300元 對僱員每天身為非醫院住院病人進行醫治的費用:港幣300元 對僱員在同一天身為醫院住院病人及非醫院 住院病人進行醫治的費用:港幣370元 即係如果Johnny淨係單靠份勞保, 佢一年內最多可以得到實報實銷的醫療賠償金額最多係370×365 = HK$135,050.咁大家接著會問咁點夠報銷實際洗費咗果70萬? 幸好除了勞保之外, Johnny其實之前一早向小編投保咗旅遊保險+個人意外保險+個人住院保險+個人住院現金保障, 所以實際上Johnny最後係得到超過70萬的醫療洗費賠償+額外住院現金津貼+意外傷殘賠償. 所以借呢個機會要溫馨提示返大家, 唔好以為只要老闆有幫公司所有同事有買足夠勞保, 自己就無需要額外買的個人意外保險或甚至旅遊保險, 呢D少少保費真係唔慳得, 萬一有意外發生, 多一份保險就係多一份保障. 最後提返之前2018香港航空就有一位27歲「空少」出勤去馬爾代夫時,懷疑喺當地參加水上活動時遇溺昏迷,獲救後留醫多日都未蘇醒,結果需要乘救援醫療專機返港入院醫治. 由於果陣空少係參考非工作要求的高危活動, 所以好大機會不受勞保賠償, 要依靠其他如旅遊保險去支付相關醫療開支. 小編再次叮囑大家出差前真係要檢查清楚自己有冇足夠保險保障, 同在外地要萬事小心喇! <<<<勞保報價>>>> #勞保包唔包出差 #勞工保險保障範圍 […]

新開公司/Startup初創企業唔需要急著買勞保?勞保十二傳說之五

初創企業買勞保 - 創業勞工保險報價2019

新開公司/初創企業(Startup Company)唔需要急著買勞保? 香港現在能夠單從打工致富的機會越來越難, 加上普遍畢業生家庭條件比起10-20年前要好, 唔需要馬上搵一份穩定的工去背負養家嘅責任, 所以大家好容易會聽到身邊越來越多不同年紀的朋友都係度講緊自己出來創業新開公司. 就算你從未有過創業經驗, 但都唔難想象到做一間初創企業有成千上萬的事情要去兼顧: 選行業/產品/服務,搵合適拍檔, 搵開公司/店鋪地點, 諗點樣做推廣宣傳, 去勞工處/Jobsdb.com 請人… 樣樣都急, 樣樣都要快, 但剛剛創業資金有限, 好多時得自己一個或兩三個拍檔真係唔知做得邊樣先. 所以勞保王眼見身邊好多新開公司/做初創的朋友/客戶, 好多時真係排唔到時間或甚至乎係冇概念一旦請左咗新同事返工, 其實係要盡快買返足勞工保險架! 作為初創老闆的你, 可能會話, 就算忘記買勞保, 都唔係咁大件事啫, 到出現問題時咪補買返囉. 其實好簡單舉個例子, 你幻想一下如果有一個人從來冇買過個人醫療保險, 突然有一日佢先發現左已經係癌症第四期, 你估即時臨急先來買份住院保險, 仲有冇保險公司肯受佢玩? 勞保王當然唔會黑心覺得各位老闆間公司會咁容易係未買勞保的情況下咁啱又出現工傷, 攪到要自己賠錢俾員工之餘, 又要面臨俾勞工處重罰嘅風險. 但勞保王確實經常收到新開公司老闆們的求救, 每次都係話 : 咁啱勞工處勞工主任巡到我公司, 咁啱我地又未買好勞保/勞保過咗期但又未續保/最近公司多咗好多新員工但又忘記補加返足勞保…一旦你俾勞工主任睇中咗你公司又幫你開file 做跟進, 你公司就會面臨被勞工處票控的可能, 嚴重的話又要上法庭又要被罰款, 甚至乎監禁… 生意同勞保掛勾 大家冇睇錯, 我亦冇寫錯以上標題, 今時今日喺香港生意真係會同勞保掛勾的. 勞保王呢兩年收到不少中小企勞保報價查詢, 好多老闆都反映話自從2019年新勞保法例實施後, 無論係政府發出的外判工作合約, 以至好多大企業去搵其他下游公司合作, ,,甚或者係大判公司要搵二三判公司接工作時, 因為怕會抵觸勞保新例, 都會係合作條款上加返個要出示有效勞保文件嘅要求. 其實遲早都係要買足夠勞保, 與其真係出事先臨急搵勞保王求救, […]

勞保唔可以同個人保險一齊claim? 勞保十二傳說之四

勞工保險 實報實銷VS一筆過

答呢個問題之前, 首先要講解返一D保險原理先. 保險其實原則上可以分開兩個大類: 1) 實報實銷型 Reimbursement. 保險公司的賠償係按著受保範圍內的實際已付款金額去作出補償, 只要申請的賠償金額係受保範圍的額度之內, 保險公司就會賠償返100%. 舉個例子:假若一張個人意外保單的醫療保障額度係$50,000, 而如果受保人因意外受傷, 整個因受傷的醫療費用支付左$40,000, 咁向呢張意外保單申請賠償的話, 保險公司就會賠償足$40,000, 即係百份百賠償. 咁又如果相同保單, 今次因受傷的全部醫療費用係$60,000呢? 因為實際洗費超出了受保範圍的上限, 所以保險公司只會按保額上限去作出賠償, 即係只會賠償返$50,000. 咁樣就係叫做實報實銷. 2) 一筆過 Lump sum 型. 大陸叫 “給付”型. 同實報實銷型相比, 一筆過的賠償一樣會有一個保險額度, 但個保額一般會比實報實銷型較高, 而受保範圍一般係較為指定同針對性, 用返意外保險的保單為例子, 一般的一筆過型的保障主要係: 意外身故賠償/意外斷肢賠償/意外傷殘賠償. 相對之前受保範圍較廣泛的意外醫療保障, 大家能理解到一筆過型的保障賠償要求程度比較嚴謹, 所以一般保額都會相對較高. 又舉返個例子: 假若一張意外保單的意外意外傷殘額度係$1,000,000, 而breakdown明細額度內雙手永久傷殘額度係50%即$500,000. 咁萬一受保人真係不幸地因意外受傷而導致雙手永久傷殘, 當主要證明如主診醫生證明書及賠償申請表格等資料都遞交好後, 保險公司就會按指定的意外身故賠償額度100%賠償俾申請人. 即係無論今次意外受保人因為雙手的傷勢而醫療費用左10萬定20萬, 就著一筆過型的意外傷殘保額, 保險公司都會作出50萬的賠償. 簡單說明左呢2種的基本保險種類的不同後, 實際生活中其實仲會牽涉到同一個受傷但同時向不同保險公司的多張保單去申請賠償. 用返剛才提到的例子, 如果受保人係: 一張A保險公司意外保單: 雙手永久傷殘保額 $500,000 意外醫療保額$50,000 […]

勞工保險同邊間保險公司買都差不多? 勞保十二傳說之三

勞工保險同邊間保險公司買都差不多?

勞工保險比較- 勞保價錢? 勞保服務? 勞工保險同邊間保險公司買都差不多? 呢個問題答YES又得, 答NO都得…即係點?其實按照香港勞工處的條例 《僱員補償條例》第40條, 僱主係一定要為佢地班受薪僱員投保勞工保險, 而同時保額又要按照法例規定的水平去買 (可參考: 咩係勞保 , 勞保比較). 所以萬一真係出現因工受傷的情況, 理論上不同的保險公司對同一件的工傷事故, 所作出的賠償金額的確係一樣的. 如果咁講, 咁又真係隨便搵一間勞工保險公司買勞保都可以了? 當然冇咁簡單喇! 明明係同一罐可樂, 點解去樓下士多賣最多$8一罐, 去到5星級酒店賣$80一罐都一樣會有人肯俾呢? 對不同人可以有千萬個理由去講, 但其中一個就肯定係所享受的服務可以係非常不同! 講返勞工保險, 其實都係一樣, 巿面上你搵不同勞保保險公司去報價, 到你去選擇用邊間時, 主要都係考慮呢兩樣: 1) 保費的高低 2) 服務的不同 作為一個精明的企業老闆或者公司人事部主管, 為了用最低的成本去滿足法例的基本要求, 咁搵間報最低價的勞工保險公司去投保, 當然絕對冇錯, 尤其係巿場競爭咁激烈嘅香港, 為生存真係慳得一蚊得一蚊. 你可能好快諗到我下步想講乜, 話咩售後服務之類, 咁我間公司班同事全部都係做文職, 點都冇咁好彩無端端有舊石頭係天花板跌落泥, 之後要申請勞保賠償掛? Sorry, 勞保王都算賣咗不同種類的公司的勞保好多年, 真係有試過其中一個客戶的寫字樓, 某一天突然個茶水間上的天花板成幾大塊石屎跌左落泥, 整個洗手盆被撞爛晒…好彩果日冇人行過, 如果唔係就真係不堪設想. 所以意外就係意外…(後來勞保王有幫忙跟進返水火全險的賠償, 不過就唔係呢度勞保的範疇, 之後會有其他篇章分享)  勞工保險售後服務大不同 其實講起服務差別, 勞保王就經歷過有D保險公司個 claims handler […]

無買勞工保險/勞保其實唔駛買足, 隨意買咗就得? 勞保十二傳說之二

勞保其實唔駛買足- 隨意買得唔得

無買勞工保險或者買唔足勞保 忘記買勞保, 勞工保險隋意買就得? 呢個都應該係其中一個廣為相傳的行業傳說, 特別係做三行的師傅們. 因為按職業風險去計算保費率的勞保保費, 而佢地的保費比起其他工種相對地高. 有幾高? 可以係比較一般文職高10倍甚至乎幾十倍以上… 江湖傳聞佢地好多時就算係10-20 人公司, 都只會係咁依按幾個人頭買公司勞保就算. 明白的, 對佢地嚟講, 都只係為咗交功課應付勞工法例, 同埋萬一真係要賠工傷時, 都可以用來報上去勞工處. 如果咁樣做, 每年勞保保費成本咪可以省好多? 如果照基本數字可以咁講, 因為過去好多年, 如公司員工人數只有一位就要實名登記, 兩位員工或以上就不需要實名制. 但當然保險公司都也不是省油的燈, 到出現要理賠的時候, 除咗好多時會搵公證行做基本調查同跟進, 往往都要受保公司出示返出公司出糧紀錄去證明返當初有冇買足勞保( 2001年後MPF強積金就係最方便準確的證明).  但自從今年2019年開始, 剛才提到的後置式人數/工資核對, 已經按 香港保險業聯會最新的 「統一僱員補償保險作業模式 - 申報僱員薪酬」指引, 變為前置式核對. 即係點? 即係一反過去保險公司單單按受保公司嘅簡單總人工申報去處理新勞保投保/續保, 而家係雙方都要多花時間去先核實相關期間的強積金供款紀錄係咪同所申報的人工相符, 先可以完成 投保/續保流程. 簡單來講, 相信從2019年起, 再唔會有如今個標題咁講 “無買勞工保險/勞保其實唔駛買足, 隨意買咗就得? ” 勞保駛唔駛落名? 剛才提過, 過往只要公司係2個人或以上, 買勞工保險就唔駛實名登記, 即落名. 但2019年起除咗需要供員工入息紀錄外, 如果係需要體力勞動(特別係操作機器)的非文職員工, 就算係3-4人的投保公司, 保險公司好多時都要求顧主提供員工全名, […]

Part time/ 暑期工/自僱人仕就唔駛買勞保? 勞保十二傳說之一

勞保王-Part-time-jobs-1

Part time / 暑期工 就唔駛買勞保? 今時今日香港地做生意真係唔容易, 競爭大, 營運成本又高, 除咗租金貴之外, 人力成本都真係一個好大的影響因素! 洗碗亞姐你出萬幾蚊人工都唔係咁容易請到, 所以好多中小企業甚至係初創, 好多時為咗節省成本同增加靈活性, 都會請下part time 同暑期工去幫佢地應付下部份工作. 咁問題就嚟喇, 好多時公司老闆或HR, 其實都唔係好肯定甚至冇諗過, 究竟需唔需要幫part time 同暑期工買勞工保險呢? 勞保王嘅答案: 就緊係要買喇! 根據《僱員補償條例》規定,所有僱主都必須為僱員購買工傷補償保險(即係勞保), 去履行僱主係條例同普通法方面既法律責任;否則就唔可以僱用僱員從事任何工作,無論其僱用期或工作時數長短、全職或兼職、長工定係臨時工;僱主亦唔可以係僱員的收入裏面扣除所需費用。 幫Part time / 暑期工 買勞保好麻煩? 好貴? 可能唔講你唔知, 好似一般只係請1至2個月的陪月姐姐, part time 快閃喺某個街頭做問卷的後生仔, 樓下茶餐廳暑期每日做幾個鐘的學生哥, 其實背後老闆都應該已經幫佢地買咗足夠的勞工保險. 咁下一個問題你可能會接著問, 要幫呢類人買勞保, 會唔會好煩同好貴架? 放心, 其實最簡單既做法,就係搵返而家幫你處理開勞保的保險公司, 通知返佢你具體呢類員工的資料, 佢地就可以將員工加入返去現有勞保計劃的保障範圍之內. 咁如果咁啱你又因為各種原因都仲係唔係好識點攪, 當然10萬個歡迎搵我地勞保王去查詢點樣處理喇!  順帶一提, 其實唔單止勞保, 兼職員工其實老闆都要幫佢地供MPF強積金(有需要的話勞保王團隊都一可以提供埋一條龍開戶+供款跟進服務), 尤其係2021年, 香港政府同香港保險業聯會實施咗勞工保險新安排, 所有勞保保單都要申報好實際受保人數+總人工, 保險公司要收齊埋對應好的證明文件(即係過往的強積金供款紀錄), 咁先可以為新買或者續保保單正式出單. 所以老闆真係要為 part time […]

WhatsApp chat