勞保只可以好似人壽保險咁, 買開咗就唔好轉保險公司? 勞保十二傳說之九

勞保續保比較-勞工保險比較2020

相信好多香港人都已經有買開個人保險好多年, 都有個概念: 就係現有保單已經買落咗好耐, 就算個保障範圍已經跟唔上目前的醫療消費水平(住院保險), 甚至乎個簽單代理人已經離職, 都唔應該考慮用另一間保險公司的新保單去取代現有舊保單. 點解? 因為現有保單既然已經買左咁多年, 將來如果出現有需要申請賠償, 應該就咩都包, 但如果貿然轉用新保險公司的話, 可能會出現未過等候期之類原因而賠唔到.


以上所講的情況如果套用係個人保險的情況上當然冇錯, 但係香港勞工保險的應用上, 情況就唔同喇. 相比其他有等候期的保險類(個人住院保險, 危疾保險等), 勞保其實係冇等候期的, 只要受保公司確認好勞保報價, 而保險公司又收齊好所有投保所需文件, 咁份勞保保單就已經可以開始生效, 之後所有係勞保保單有效期內的受保工傷個案, 都會受到勞保保障而可以接受賠償申請.

借機會分享下勞保如果用受保時間的話, 可以分為以下兩大類型:

1) 最常見的一般一年期勞工保險.

如一般寫字樓, 各類型鋪頭所買的勞保保單, 保障期係365日. 到下一年保單到期前約一個月, 保險公司會發出續保通知書去通知續保詳情,例如保費是否維持不變或是有所提高(主要受賠償紀錄及總受保員工工資而影響). 除非<A>份保單係之前的一年內出現重大工傷賠償金額(例如超出年繳保費好倍), 或者<B>係過去幾年內累計出現好多單工傷個案(意思令保險公司懷疑同一受保地方因特定原因工傷風險特別高), 保險公司如無意外都應該會俾份保單每年一次咁續保落去.

2) 另一種相對比較特別的係工程保險裏的勞工保險.

(另外的責任保險有機會再同大家介紹). 不同於一般商業生意恒常周年累月的營運, 每個工程項目都有其特定的完成時間, 例如:

  • 建築物外墙維修 ( 1 天 ~ 數月)
  • 商場內新進駐商鋪的裝修(1星期至1個月)
  • 新建築物相關的所有的工程施工(幾個月至幾年)

正正因為每一單工程項目的獨特性, 所以針對工程的勞工保險並唔用一年去計算, 係按實際工程預算的總施工期+工程單總額去作出報價.睇完以上兩類勞保介紹, 工程保險固之然每個新的工程理應都會重新搵唔同的保險公司報價, 商業保險其實都一樣值得係到期前重新檢視一下的. 點解? 因為其實香港巿面上 比較少中少企係買淨勞保, 一般都會買套餐式的

綜合商業保險, 裏包含好多不同範圍:

  • 首先當然係最核心的勞工保險部份
  • 第三者責任保險
  • 財物水火全險
  • 不同保險公司獨有的附送或另外收費項目, 例如: 業務中斷保障,金錢保障,人身意外保障等.

所以既然保險公司有權選擇俾唔俾各位份保單續保, 各位都一樣每年有機會選擇搵多幾間保險公司報價比較下. 相信不少中少企老闆或者公司HR, 除咗個保費價錢之外, 仲會想睇睇個綜合保險其他部份, 究竟有冇保障好公司實際風險管理所需的. 最後都係果句, 趁份勞保仲未到期前, 提早搵我地查詢比較下報價喇!

<<<<勞保報價>>>>

#勞保比較 #勞保續保 #工程保險 #有得簡先至係老闆 #商業綜合保險 #勞保套餐 #裝修保險 #建築保險 #勞工保險價錢 #勞工保險價錢2021 #勞工保險邊間好 #勞工保險 #勞工保險費用 #忘記買勞保 #自僱人士勞保 #EC 保險 #勞工保險比較 #勞工保險費用

參考資料:

裝修維修安全關你事

投購勞保知多啲 – 勞工處

候選區議員購勞保遭拒 中介稱近半年索償嚴重

WhatsApp chat