無買勞工保險/勞保其實唔駛買足, 隨意買咗就得? 勞保十二傳說之二

勞保其實唔駛買足- 隨意買得唔得

無買勞工保險或者買唔足勞保

忘記買勞保, 勞工保險隋意買就得? 呢個都應該係其中一個廣為相傳的行業傳說, 特別係做三行的師傅們. 因為按職業風險去計算保費率的勞保保費, 而佢地的保費比起其他工種相對地高. 有幾高? 可以係比較一般文職高10倍甚至乎幾十倍以上… 江湖傳聞佢地好多時就算係10-20 人公司, 都只會係咁依按幾個人頭買公司勞保就算. 明白的, 對佢地嚟講, 都只係為咗交功課應付勞工法例, 同埋萬一真係要賠工傷時, 都可以用來報上去勞工處.

如果咁樣做, 每年勞保保費成本咪可以省好多? 如果照基本數字可以咁講, 因為過去好多年, 如公司員工人數只有一位就要實名登記, 兩位員工或以上就不需要實名制. 但當然保險公司都也不是省油的燈, 到出現要理賠的時候, 除咗好多時會搵公證行做基本調查同跟進, 往往都要受保公司出示返出公司出糧紀錄去證明返當初有冇買足勞保( 2001年後MPF強積金就係最方便準確的證明). 

但自從今年2019年開始, 剛才提到的後置式人數/工資核對, 已經按 香港保險業聯會最新的 「統一僱員補償保險作業模式 - 申報僱員薪酬」指引, 變為前置式核對. 即係點? 即係一反過去保險公司單單按受保公司嘅簡單總人工申報去處理新勞保投保/續保, 而家係雙方都要多花時間去先核實相關期間的強積金供款紀錄係咪同所申報的人工相符, 先可以完成 投保/續保流程. 簡單來講, 相信從2019年起, 再唔會有如今個標題咁講 “無買勞工保險/勞保其實唔駛買足, 隨意買咗就得? ”

勞保駛唔駛落名?

剛才提過, 過往只要公司係2個人或以上, 買勞工保險就唔駛實名登記, 即落名. 但2019年起除咗需要供員工入息紀錄外, 如果係需要體力勞動(特別係操作機器)的非文職員工, 就算係3-4人的投保公司, 保險公司好多時都要求顧主提供員工全名, 先可以正式確認報價及發出保單. 運輸物流, 餐飲, 工程公司等都係常見需要落名買勞保的行業.

勞保查詢無間Q&A

有朋友可能會問, 勞工主任就算巡查都應該會優先去查D大企業大集團先喇, 香港中小企成34萬間咁多(2019), 點會咁好彩巡查到自己間公司? 唔怕話俾大家知, 勞保王差不多每星期都收到「求助個案」,對白都離不開係:

Q: 剛剛有勞工主任巡查我地公司, 我地又咁啱未買好勞保, 咁即時買返得唔得呀?

A: 勞保王報價俾你緊係得喇, 但勞工主任唔會當你冇問題嘛

Q:咁麻煩你即刻話俾我知買份勞保要幾錢喇?

A:其實每個公司個案都唔同, 真係需要時間將你公司資料交俾保險公司核保部去報價的

勞保王覆咗報價後:

Q: 點解我聽朋友講佢間公司一年保費都只係千幾蚊, 而家我地要俾二千幾?

A: 勞保總保費按好多因素去計算, 但最明顯個分別係你公司員工總人工係你朋友公司嘅幾倍喎…

Q: 咁好喇, 勞工主任話最遲下星期三就要覆返佢我地公司張保單資料喇, 上次佢係2月1日嚟巡查我地, 麻煩你將保單日期寫返1月15日喇?

A: 唔好意思, 勞保保單日期係冇得提前生效(date back)的, 今日都已經係2月3日, 最快都只可以趕今日保險公司收工前, 通知佢地確認報價同今日開始生效

以上的對答, 其實真係喺勞保王個whatsapp上不斷重複又重複…最後如果勞工處要判罰, 最差情況會係點, 大家不妨睇返最下面D連結. 不過勞保王都係奉勸各位, 早買早享受, 遲買就有排大家受…都係而家就click一click旁邊個whatsapp制, 搵我哋傾傾喇 >>>>>>>>

參考資料:

勞保新安排元旦起實施 保險業聯會:已經多番諮詢討論

勞工處「追保行動」加強執行強制性勞工保險法例

僱主因沒有投購勞保而被判監禁及罰款

亞視無勞保 公司持有人有機會被監禁

裝修工人會展暈倒後不治 揭發僱主無買勞保

沒有為僱員購買有效保險的僱主

香港的中小企業

經緯線:工傷索償–黑傷作業 2017 10 08

#忘記買勞保 #勞保買唔足 #勞保 MPF #勞保強積金 #勞保2021

#無買勞工保險 #購買勞工保險 #勞工保險2021

#無買勞工保險案例 #落名買勞保

WhatsApp chat